ភូមិសំរោងគឺជាគម្រោងអភិវឌ្ឈន៍លំនៅដ្ឋានថ្មីមួយស្ថិតនៅភូមិភាគខាងជើងរាជធានីភ្នំពេញ ដែលជាតំបន់អភិវឌ្ឍន៍ថ្មីពោរពេញដោយសក្តានុពល តាមបណ្តោយផ្លូវជាតិលេខ៥ ជាប់នឹងសាលាខណ្ឌព្រែកព្នៅ និងមានចម្ងាយត្រឹមតែ៥នាទីប៉ុណ្ណោះពីផ្សារព្រែកព្នៅ។ ដោយការសញ្ជឹងគិតពីបែបបទនៃការរស់នៅរបស់ប្រជាពលរដ្ឋខ្មែរយើងតាំងពីសម័យបុរាណកាលមក ដោយរបៀបរបបនៃការរស់នៅប្រចាំថ្ងៃ គឺពឹងផ្អែកទៅលើទំនាក់ទំនងយ៉ាងស្អិតរមួតរវាងគ្នានឹងគ្នា ពីផ្ទះមួយទៅផ្ទះមួយ។ យើងបានសាកល្បងស្រមៃឡើងវិញនូវការរស់នៅជាសហគមន៍បែបទំនើបក្នុងសម័យបច្ចុប្បន្ន ដោយទាញយកវប្បធម៌នៃការរស់នៅដ៏ល្អផូរផង់ពីបុរមបុរាណមក ហើយព្យាយាមបង្កើតឡើងវិញជាមួយនឹងគម្រោងបុរីភូមិសំរោងរបស់យើង។